Os grupos gCons e GMNI protagonistas na televisión nacional e autonómica

Os grupos gCons e GMNI protagonistas na televisión nacional e autonómica

A-CITEEC

Martes, 7 de Xullo de 2020

Integrantes do Grupo de Construción e do Grupo de Métodos Numéricos en Enxeñería protagonistas en La 2 e na TVG

O programa de divulgación científica “La Aventura del Saber” de La 2 de TVE, dedicou o seu espazo “La Universidad responde” do pasado 18 de xuño ao emprego de cunchas de mexillón como material para a edificación. Nesta edificación do programa explicáronse as experiencias derivadas do proxecto de I+D “BIOVALVO: Valorización de las conchas de bivalvos gallegas en el ámbito de la construcción”, liderado por EXTRACO (entidade colaboradora da A-CITEEC), e contou coa participación do Grupo de Construción gCons. O proxecto foi cofinanciado polo Centro para el Desarrollo Tecnológico e Industrial CDTI, organismo dependente do Ministerio de Ciencia e Innovación (Ref. ITC-20133094).

Dentro das actividades do proxecto construíuse un módulo experimental situado no Campus de Elviña, da Universidade da Coruña UDC, empregando 20 toneladas de cuncha de mexillón. Os profesores Belén González Fonteboa e Fernando Martínez Abella, investigadores principais do proxecto, explicaron no programa como se deseñou o edificio e se acometeu a execución da cimentación, os cerramentos, os revestimentos e os acabados.

Na actualidade, o módulo BIOVALVO pasou a formar parte do equipamento da UDC. Pódese acceder a máis información nas seguintes ligazóns: http://biovalvo.blogspot.com/ e https://www.rtve.es/alacarta/videos/la-aventura-del-saber/aventura-del-saber-18-06-20/5600769/?t=18m43s.

Por outra banda, o pasado 30 de xuño, varios investigadores/as do Grupo de Métodos Numéricos en Enxeñería GMNI protagonizaron o programa “O sol sae para todos” da Televisión de Galicia falando do proxecto Virion-Break “Cálculo dinámico de la cápside del SARS-CoV-2 para su destrucción por resonancia” financiado polo Instituto de Salud Carlos III.

Na seguinte ligazón pódese volver ver o programa: Virion-Break Enxeñeiros en acción