Gran expectación internacional pola rotura da viga más grande de Europa ensaiada nun laboratorio
CITEEC
Xoves, 30 de Xaneiro de 2020
No laboratorio de Construcción do CITEEC ensaiouse a viga máis grande Europa dentro do Proxecto HORVITAL
Este ensaio forma parte do proxecto HORVITAL, financiado polo Ministerio de Ciencia e Innovación, e no que participan a Universidade da Coruña, a Universidad Politécnica de Valencia (UPV), a Universitat de les Illes Balears (UIB) e a Universitat Politècnica de Catalunya (UPC), coordinado por esta última, destinado a investigar diferentes aspectos das estruturas de formigón para a extensión da súa vida útil. O subproxecto SP4, desenvolvido polo equipo da UDC que coordina o profesor da Escola Técnica Superior de Enxeñaría de Camiños, Canais e Portos, Fernando Martínez Abella, ten como misión específica analizar o fenómeno denominado “efecto tamaño”. Para isto, foi necesario fabricar e ensaiar, unha serie de vigas de gran tamaño, de entre 6 e 12 metros de lonxitude e de entre 1 e 2 metros de canto.
A rotura da viga xerou unha gran expectación dentro da comunidade científica, deixando diversos titulares nos medios de comunicación:
Televisión de Galicia: “A viga de formigón máis grande de Europa, a proba nos laboratorios da Universidade da Coruña”
El Correo Gallego: “El hormigón de la viga récord de Europa tenía que aguantar un 30 o 40 % más antes de romper”
La Voz de Galicia: “Un ensayo de la UDC revela errores de cálculo en la resistencia del hormigón”
La Opinión de A Coruña: “La grieta que acaparó todas las miradas”
NIUS diario: “Investigadores de A Coruña rompen la viga de hormigón (con armadura trasversal) más grande del mundo”
Diario de Mallorca: “La UIB participa en la rotura controlada de una viga gigante de 14 toneladas”
A predición da resistencia a cortante foi un dos temas abertos a debate máis importantes no ámbito do formigón estrutural. Algúns dos grupos de investigación máis prestixiosos do mundo investigan neste tema. Posto que os ensaios de HORVITAL son singulares, o equipo de investigación gCONS da Universidade da Coruña lanzou un reto científico internacional: todos os especialistas do mundo que o desexen poden enviar as súas predicións. Ata o momento interesáronse polo proxecto especialistas do resto de España e de Corea, Alemaña, Estados Unidos, Brasil ou Croacia.
Os ensaios plantexados neste proxecto son singularidades internacionais:
- A viga de 12 metros sen armadura transversal (barras verticais internas de aceiro) é a viga sen armadura transversal máis grande do mundo ensaiada a cortante nun laboratorio. Este ensaio xa se fixo na UDC.
- A viga de 12 metros con armadura transversal, que se romperá en público mañá mércores 29 de xaneiro, é a viga con armadura transversal máis grande ensaiada a cortante nun laboratorio europeo.
- Algunhas das vigas de todas as series se repararán posteriormente exteriormente con Polímeros Reforzados con Fibra de Carbono e volverán a ensaiarse máis adiante. Outras se reforzarán exteriormente con Aleacións con Memoria de Forma. En ambos os dous casos, serán as vigas reforzadas máis grandes do mundo ensaiadas nun laboratorio.
Fonte: Universidade da Coruña
Vídeo do momento da rotura