Ciclo de Visitas Xullo 2019 “Coñece os Centros de Investigación da UDC”
Ciclo de Visitas Xullo 2019 “Coñece os Centros de Investigación da UDC”
O Campus Innova convídache a participar no Ciclo de Visitas Xullo 2019 “Coñece os Centros de Investigación da UDC”. O ciclo incluirá tres visitas independentes aos centros de investigación que conforman o parque tecnolóxico do Campus de Elviña da Universidade da Coruña:
- Xoves 11 de xullo – Centro de Innovación Tecnolóxica en Edificación e Enxeñería Civil (CITEEC)
- Martes 16 de xullo – Centro de Investigacións Científicas Avanzadas (CICA)
- Venres 19 de xullo – Centro de Investigación de Tecnoloxías da Información e da Comunicación (CITIC)
As visitas darán comezo ás 10:00 horas e terán unha duración aproximada de 60-90 minutos.
Inscripción:
Para participar nunha ou en varias das visitas propostas só tes que cubrir o seguinte formulario antes do 8 de xullo
https://forms.gle/vTqm8ezvcPbuQnn56
Os grupos serán limitados, sendo para cada un dos centros dun máximo de 25 persoas, que serán seleccionadas por estrita orde de recepción das solicitudes. Crearanse, así mesmo, listas de reserva por se algunha das persoas inscritas non puidese finalmente asistir.
Esperamos que a actividade sexa do teu interese.